පුංචි තිරේ අහිසංකාවි කාංචනා කලකට පසුව නැවතත් රංගනයට
දශකයකට වඩා වැඩි කාලයක් තිස්සේ රංගනයෙන් ඈත්ව සිටි ජනප්‍රිය කලා නිර්මාණ රැසක ඔබ දුටු කාංචනා මෙන්ඩිස් ඉදිරි කාලයේදී නැවතත් දේශිය සිනමාව හරහා දකින්නට හැකිය. ඒ ජයන්ත චන්ද්‍රසිරිගේ “The Hidden City” චිත්‍රපටය තුළිනි.
විවාහයත් සමග විදෙස්ගත වූ ඇය මේ වනවිට සිය සැමියා හා දරුවන් සමගින් එංගලන්තයේ ලන්ඩන් නගරයේ පදිංචිව සිටියි. කාංචනා මෙසේ නැවතත් ප්‍රේක්ෂක ඔබ හමුවන “The Hidden City” චිත්‍රපටයේ පෙනී සිටින්නේ ජනප්‍රිය සිනමා නළු හේමාල් රණසිංහ සමගින් වීම විශේෂත්වයකි.
විවාහයෙන් පසුව අවස්ථා කිහිපයකදීම ලංකාවට පැමිණියද කාංචනා කලා ක්ෂේත්‍රයට සම්බන්ධ නොවුණ අතර, ඇය මෙසේ “The Hidden City” චිත්‍රපටයෙන් නැවතත් ප්‍රේක්ෂයින් හමුවට එන්නේ වසර දොළහකට පසුව බව සඳහන් වෙයි.
