උපන්දිනය සමරන්නට ලංකාවට ආපු බොලිවුඩ් නිළිය කවුද
ජනප්‍රිය දකුණු ඉන්දීය හා බොලිවුඩ් චිත්‍රපට රැසකම රංගනයෙන් දායක වූ පූජා හෙග්ඩේ පසුගිය දිනවල ශ්‍රී ලංකාවේ සංචාරයක නිරතව සිටියා. ඒ ඇයගේ 34 වැනි උපන්දිනය සැමරීම සඳහාය. ඒ සඳහා ඇය තෝරාගෙන තිබුණේ යාල අභය භූමියට යාබද තරු පන්තියේ හෝටලයකි. මෙම හෝටලයේ විශේෂත්වය වන්නේ සොබාදහමට වැඩි තැනක් ලබාදී ඇති තරු හෝටලයක් ලෙසය. ඇය එහි කාලය ගෙවන ඡායාරූප රාශියක්ද සිය සමාජ පිටු හරහා ප්‍රසිද්ධ කර තිබුණ අතර, ඇය පවසන්නේ මානසිකව නිදහස්වීමට නම් මෙවැනි පරිසරයක් තෝරා ගැනීම වරදක් නැති බවය.
දැනට දකුණු ඉන්දීය චිත්‍රපට බොහෝමයක දැක ඇති ඇය සිනමාවට තුළ අතිශය ජනප්‍රිය වන්නේ රිතික් රෝෂන් සමග රඟපෑ මෝහන්ජෝ දාරෝ චිත්‍රපටය හරහාය. ඊට පෙර පූජා 2010 වසරේ පැවති මිස් යුනිවර්ස් ඉන්දියා හි අනුශූරිය වන්නටද සමත් ව තිබීම සුවිශේෂි සිදුවිමක්ද වෙයි. මේ වනවිට දකුණු ඉන්දීය සිනමා සම්මාන රැසකින්ම පිදුම් ලැබු ඇය ඉන්දියාවේ සුපිරි තරු රාහියක් සමග රංගනයෙන්ද දායක වී තිබේ.
