හිටපු ක්‍රිකට් නායක දිමුත් යළිත් වරක් විවාහ වෙයි
කාලයක් තිස්සේ ශ්‍රි ලංකා ටෙස්ට් කණ්ඩායමේ ආරම්භක පිතිකරුවා ලෙස කටයුතු කරන දිමුත් වසර කිහිපයක් ශ්‍රී ලංකා ක්‍රිකට් කණ්ඩායමේ නායකත්වයද දැරූ සුපිරි ක්‍රිකට් ක්‍රීඩකයෙකි. මේ දිනවල ඔහු සම්බන්ධව විවිධ තොරතුරු සමාජ මාධ්‍යයන් ඔස්සේ වාර්තා වෙයි. ඒ අතරින් ප්‍රධානම මාතෘකාව වී ඇත්තේ නැවත වරක් දිමුත් විවාහ වීමය.
මීට දින කිහිපයකට පෙර දිමුත්ගේ විවාහ ගිවිස ගැනීම පවත්වා තිබුණ අතර, ඔහුගේ අතගෙන තිබුණේ මෙරට ජනප්‍රිය මෝස්තර නිරූපණ ශිල්පිණියකි. වාර්තා වන අන්දමට දිමුත් හා ඇයගේ විවාහය නුදුරේම පැවැත්වීමටද සුදානම් කර ඇති බවය. පසුගියදා ඔහුගේ විවාහයට පෙර ගත් ඡායාරූප කිහිපයක්ම සමාජ මාධ්‍යයට මුදාහැර තිබුණ අතර, එය බොහෝ පිරිසක් දිමුත් කෙරෙහි අවධානය යොමු කරන්නට කාරණයක්ද වි තිබුණි.
