එක්දින පිතිකාරිණියන් අතරේ පෙරමුණ ගත් අපේ චමරි
දකුණු අප්‍රිකානු කාන්තා ක්‍රිකට් කණ්ඩායම සමග දකුණු අප්‍රිකාවේදි පැවති තරග තුනකින් සමන්විත එක්දින තරගාවලියේ තුන්වැනි තරගයේදි ලකුණු 195ක් නොදැවී ලබාගත් ශ්‍රී ලංකා ක්‍රිකට් කණ්ඩායමේ නායිකා චමරි අතපත්තු එක්දින පිතිකාරිණියන් ශ්‍රේණිගත කිරිම් අතරේ පළමු ස්ථානය දිනා ගැනිමට මේ වනවිට සමත්ව ඇත.
වසර දෙකකට ආසන්න කාලයක් තිස්සේ ශ්‍රී ලංකා කාන්තා ක්‍රිකට් කණ්ඩායමේ ලෝකයේ ප්‍රබල ක්‍රිකට් කණ්ඩායමක් බවට පත් කරන්නට චමරි අතපත්තු මනා කැපවීමක් කළ ක්‍රීඩිකාවක්ද විය. පසුගිය කාලයේ ජාත්‍යන්තර ක්‍රිකට් පිටියේ සුපිරි කාන්තා ක්‍රිකට් කණ්ඩායම් රැසක් හමුවේ අද්වීතිය ජයග්‍රහණ රැසක්ද ශ්‍රී ලංකාවට හිමි කර දෙන්නට ඇය නායිකාවක් මෙන්ම තුන් ඉරියව් ක්‍රීඩිකාවක් ලෙස ඇය දැක්වු දායකත්වයක් විශාල ලෙස අගය කළ යුතු වෙයි.
දකුණු අප්‍රිකානු කණ්ඩායමට එරෙහිව ලැබු එක්දින හා පන්දුවාර විස්සයි 20 ජයග්‍රහණ නිසාවෙන් මේ වනවිට ශ්‍රි ලංකා කණ්ඩායමට විශාල මුදල් ප්‍රමාණයක්ද ගෙවීමට ශ්‍රී ලංකා ක්‍රිකට් ආයතනය කටයුතු කර ඇත. එමෙන්ම ක්‍රීඩිකාවන්ට ලබා දෙන වාර්ෂික කොන්ත්‍රාත්තු දිමනාවද මේ වනවිට ඉහළ දැමීමට ඔවුන් කටයුතු කර තිබෙන බව විශ්වාසනීය ආරංචි මාර්ග සඳහන් කර සිටියි.
