ලසිත් මාලිංග ලීයූ පළමු පඩිය.. ගීතය එළිදකියි
ජාත්‍යන්තර ක්‍රිකට් පිටියේ තරුවක් වු ශ්‍රී ලංකාවේ සුපිරි වේග පන්දු යවන ක්‍රීඩක ලසිත් මාලිංග පද රචනා කළ ගීතයක් මාර්තු 10 වැනිදා යූ ටියුබ් සමාජ මාධ්‍යය හරහා නිකුත් කරනු ලැබුවා. මාලිංග විසින් ලියූ මෙම ගීතය ගායනා කරනු ලබන්නේ තරුණ පිරිස් අතර අතිශය ජනප්‍රිය තරුණ ගායන ශිල්පියෙකු වූ දමිත් අසංකය.
අංජන පෙරේරා මෙහි ගී තනුව හා සංගීතය නිර්මාණය කර ඇති අතර, ගිතයට එකතු කළ රූප රචනාව නිර්මාණය කර ඇත්තේ දුල්ෂාන් ප්‍රඩක්ෂන් ආයතනයයි. සිය අසරණ පවුල නඩත්තු කිරිමට හා රට දැය වෙනුවෙන් තම කාර්යය ඉටු කිරිමට යුද හමුදා සේවයට යන තරුණයෙකු පිළිබඳව ගේතුණ කතාවක් මෙම ගීතය තුළ අන්තර් ගත වී තිබේ. පළමු පඩිය.. ගීතය ඔබට ලසිත් මාලිංග සතු ලසිත් මාලිංග මියුසික් පලස් යූ ටියුබ් නාලිකාව තුළින් නරඹන්නට හැකියි.
