ටෙස්ට් පිටියේ වාර්තා පිට වාර්තා තැබු ජයිස්වාල්
සංචාරක එංගලන්ත කණ්ඩායම සමගින් රාජ්කෝට් හි පැවති දෙවැනි ටෙස්ට් තරගයේදී ලෝක වාර්තා රැසක්ද තබමින් සිය ටෙස්ට් ක්‍රිකට් දිවියේ දෙවැනි ද්ව්ත්ව ශතකය වාර්තා කරන්නට 22 වැනි වියෙහි පසුවන ඉන්දියාවේ යසස්වී ජයිස්වාල් සමත් විය.
මෙම තරගයේදී ඔහු ඉන්දීය දෙවැනි ඉනිමේදී සිය ද්ව්ත්ව ශතකය වාර්තා කළ අතර, ඊට හයේ පහර 12ක් හා හතරේ පහර 14ක්ද එල්ල කරන්නට සමත් විය. ටෙස්ට් ඉනිමක වැඩිම හයේ පහරවල් ගණනක් එල්ල කල ලෝක වාර්තාවද ජයිස්වාල් මෙම තරගයේදී සම කරන්නට සමත් වීම කැපි පෙනුණි.
එමෙන්ම ඔහු විසින් පිට පිට වාර්තා කළ දෙවැනි ටෙස්ට් ද්ව්ත්ව ශතකයද මෙය වීම විශේෂත්වයකි. මෙම තරගයට පෙර විශාඛාප්ටනම්හි පැවති ටෙස්ට් තරගයේ ඉන්දීය පළමු ඉනිමේදී ජයිස්වාල් අගනා ද්ව්ත්ව ශතකයක්ද වාර්තා කරන්නට සමත් විය.
ටෙස්ට් තරග හතකට පමණක් ඉන්දියාව වෙනුවෙන් ක්‍රීඩා කර ඇති මේ ලාබාළ පිතිකරුවාගේ ලකුණු මල්ලට දැනටමත් ටෙස්ට් ද්ව්ත්ව ශතක දෙකක් හා එක් ශතකයක්ද ඇතුළත්ව තිබීම ඔහුගේ දක්ෂතාවලට ඉහළ වටිනාකමක් ගෙන දෙන්නට සමත්ව තිබෙන බව පෙනී යන්නක්ද වෙයි.
