යොවුන් ලෝක කුසලානයේ ශ්‍රී ලංකා යෞවනයන්ට හිමි තැන
පළමු වටයේදී දුර්වල සිම්බාබ්වේ හා නැම්බියාවට එරෙහිව විශිෂ්ට ජයග්‍රහණ අත් කර ගනිමින් සුපිරි හය දෙනාගේ වටයට පිවිසි ශ්‍රී ලංකා යෞවනයෝ මේ වනවිට යොවුන් ලෝක කුසලාන තරගාවලියේ අවසන් තරග කෙරෙහි තබා තිබු බලාපොරොත්තුව අත්හැර දමා ඇත.
සුපිරි කණ්ඩායම් හය තරගවටයේදී කොදව්වන් සමග පැවැති තරගය පරාජයට පත්වීමත් සමග ශ්‍රී ලංකා යෞවනයන්ගේ ඉදිරි ගමන අවදානම් වී ඇත. පළමු වටයේදී දුර්වල කණ්ඩායම්වලට වැඩදැමු යෞවනයෝ ඉන් පසුව ප්‍රබල ඔස්ට්‍රේලියාව හමුවේ පරාජයට පත් විය.
කෙසේ හෝ පළමු වටයේදී තරග දෙකක් ජය ගැනීමත් සමග සුපිරි කණ්ඩායම් හය තරග වටයට එක්වූ ශ්‍රී ලංකා කණ්ඩායම එම තරගවටයේ මුහුණ දුන් පළමු තරගයෙන්ම කොදව්වන් ඉදිරියේ පරාජයට පත් විය. මෙම තරග වටයේදි තවත් එක් තරගයක් ශ්‍රී ලංකා යෞවනයන්ට ක්‍රීඩා කිරීමට නියමිතව ඇති අතර, ඒ දකුණු අප්‍රිකානු කණ්ඩායම සමගය. ඉන් පසුව ශ්‍රී ලංකා කණ්ඩායම තරගාවලියේ තමන්ට හිමි ස්ථානය වෙනුවෙන් තරග කිරිමට නියමිතව ඇත.
